Category: ສາຍທຳມະຊາດ

ສຶກສາ ຄວາມເຂັ້ມແສງຕາເວັນ ອຸນຫະພູມ ຄວາມຊຸ່ມສຳພັດ ໃນເຂດພູຈອມວອຍປ່າສະຫງວນຂອງແຂວງ ແຂວງບໍລິຄຳໄຊ, ສປປລາວ

ວາດສະໜາ ຄໍາວົງສາ, ແຫຼມທອງ ລັດດາວົງ, ຄໍາປອນ ມູນພູມີ, ພູແກ້ວຖາທິລາດ, ໄພທູນທະວີໄຊ ສຸກດາໄລ ໄຊສົມບັດ, ພູວັນ ສຸກສົມຫວັງ, ສອນໄຊ ໄຊເຮືອງສີ ແລະ ສົມດວນ ພົມມະວັນ ພາກວິຊາຟີຊິກສາດ, ຄະນະວິທະຍາສາດທໍາມະຊາດ, ມະຫາວິທະຍາໄລແຫ່ງຊາດ *ຜູ້ຮັບຜິດຊອບ (Author):ວາດສະໜາ ຄໍາວົງສາ Tel: 02022220585, Email: vathsanakhamvongsa@yahoo.com, k.moonphumy@nuol.edu.la

ບົດຄັດຫຍໍ້

ສຶກສາ ຄວາມເຂັ້ມແສງຕາເວັນ ອຸນຫະພູມ ແລະ ຄວາມຂຸ່ມສຳພັດ ຢູ່ເຂດພູຈອມວອຍ ປ່າສະຫງວນຂອງແຂວງ ແຂວງບໍລິຄໍາໄຊ, ໂດຍການຕິດຕັ້ງເຄື່ອງ ໄພຣາໂນມິເຕິ ສຳລັບແທກຄວາມເຂັ້ມແສງຕາເວັນ, ແລະ ເຄື່ອງ ອີບວກອີໂອມນິພອທ 30 ສຳລັບວັດແທກອຸນຫະພູມ ແລະ ຄວາມຊຸ່ມສໍາພັດ, ຢູ່ເສັ້ນຂະໜານທີ ແລະ ເສັ້ນແວງທີ , ຄວາມສູງຫ່າງຈາກລະດັບໜ້ານໍ້າທະເລປະມານ , ເຂດດັ່ງກ່າວແມ່ນນອນຢູ່ເມືອງຄໍາເກີດ ແລະ ເມືອງໄຊຈໍາພອນ. ການເກັບຂໍ້ມູນເລີ່ມແຕ່ປີ 2017–2019, ຂໍ້ມູນຄວາມເຂັ້ມແສງຕາເວັນໄດ້ວັດແທກອອກມາໃນຫົວໜ່ວຍ ແຮງດັນໄຟຟ້າ ໂວລ (volt) ຫຼັງຈາກນັ້ນກໍ ຄິດໄລ່ ແລະ ແປງເປັນຫົວໜ່ວຍພະລັງງານ ເມກະຈູລ (MJ), ສຳລັບອຸນຫະພູມ ແລະ ຄວາມຊຸ່ມສຳພັດ ຊຶ່ງວັດແທກໃນຫົວໜ່ວຍ ອົງສາເຊລຊຽດ ແລະ ເປີເຊັນ ຕາມລຳດັບ, ຊຶ່ງສະແດງຜົນຂອງການສຶກສາເລີ່ມແຕ່ ເດືອນມັງກອນ ຫາ ເດືອນທັນວາ ແລະ ຄ່າສະເລ່ຍລາຍວັນໝົດ

ສາຍທຳມະຊາດ

ຕົ້ນກະຖິນໜາມຈາກພືດຮຸກຮານສູ່ການນຳໃຊ້ປະໂຫຍດ: ກໍລະນີສຶກສາການຜະລິດຖ່ານອັດກ້ອນ

ພົງໄພບູນ ພອນປະເສີດ1, 2*, ສີທາ ສຸວັນນະວົງສັກ1 ແລະ ອຸ້ຍ ເອີນທະວັນ1 1 ພາກວິຊາເຕັກໂນໂລຊີສິ່ງແວດລ້ອມ, ຄະນະວິທະຍາສາດສິ່ງແວດລ້ອມ, ມຊ 2ໜ່ວຍວິຊາເຕັກໂນໂລຊີຊີວະພາບ ແລະ ພະລັງງານທົດແທນ, ຄະນະວິທະຍາສາດສິ່ງແວດລ້ອມ, ມຊ * Email: p.phonepaseuth@nuol.edu.la

ບົດຄັດຫຍໍ້

ຕົ້ນກະຖິນໜາມເປັນວັດສະພືດຊະນິດໜື່ງທີ່ມີການຈະເລີນເຕີບໂຕ ແລະ ແຜ່ກະຈາຍໃນເຂດດິນຊຸ່ມນໍ້າຢ່າງໄວວາ ເຊີ່ງເປັນຂໍ້ຈຳກັດເຮັດໃຫ້ພືດຊະນິດອື່ນບໍ່ຂະຫຍາຍໂຕໄດ້. ນອກຈາກນັ້ນ, ຍັງບໍ່ມີສັດຕູທາງທໍາມະຊາດຫຼາຍ ເຮັດໃຫ້ມີການຂະຫຍາຍຕົວ ແລະ ກະຈາຍພັນເປັນບໍລິເວນກວ້າງ. ດັ່ງນັ້ນ, ການນໍາເອົາຕົ້ນກະຖິນໜາມມາໃຊ້ປະໂຫຍດໃນດ້ານພະລັງງານຊີວະພາບເປັນວິທີການໜື່ງໃນການກຳຈັດ, ໃຊ້ປະໂຫຍດ ພ້ອມທັງຫຼຸດຜ່ອນບັນຫາດັ່ງກ່າວ. ເຊິ່ງການສຶກສາຄັ້ງນີ້ ແມ່ນການສຶກສາຕໍ່ຍອດຈາກການສຶກສາຜ່ານມາທີ່ມີການສົມທຽບຖ່າຍອັດກ້ອນຈາກສິ່ງເສດເຫຼືອທາງກະສິກຳ ໂດຍມີຈຸດປະສົງເພື່ອສຶກສາອັດຕາສ່ວນທີ່ເໝາະສົມໃນການຜະລິດເປັນຖ່ານອັດກ້ອນຈາກຕົ້ນກະຖິນໜາມ, ປຽບທຽບປະສິດທິພາບໃນແຕ່ລະອັດຕາສ່ວນ ເຊີ່ງໄດ້ມີການທົດລອງທັງໝົດ 4 ອັດຕາສ່ວນ (ກະຖິນໜາມ:ແປ້ງ) ຄື 500:50, 500:75, 500:100 ແລະ ຖ່ານກະຖິນໜາມບໍ່ໄດ້ແປຮູບ ພ້ອມທັງປຽບທຽບກັບຖ່ານໄມ້ວິກອີກດ້ວຍ. ໃນການປຽບທຽບປະສິດທິພາບ ແມ່ນນຳໃຊ້ການຕົ້ມນໍ້າ (Water boiling test, WBT) ໂດຍນຳໃຊ້ຖ່ານ 500 ກຣາມ ໃນການທົດລອງໃນແຕ່ລະອັດຕາສ່ວນ. ຈາກຜົນການສືກສາເຫັນວ່າຖ່ານອັດກ້ອນອັດຕາສ່ວນ 500:75 ມີຄ່າປະສິດທິພາບດີທີ່ສຸດ ເຊິ່ງໃຫ້ອຸນຫະພູມທີ່ຄົງທີ່ສະໝໍ່າສະເໜີ, ມີໄລຍະເວລາໃນການເຜົາໄໝ້ສູງ ແລະ ມີປະລິມານຂີ້ເຖົ່າໜ້ອຍ. ດັ່ງນັ້ນ, ສາມາດສະຫຼຸບໄດ້ວ່າຖ່ານອັດກ້ອນຈາກກະຖິນໜາມມີ ປະສິດທິພາບ ແລະ ຍັງສາມາດ ເປັນທາງເລືອກທົດແທນຖ່ານຈາກໄມ້ທຳມະຊາດອື່ນໆ ໃນຕໍ່ໜ້າໄດ້

Tags ສິ່ງເສດເຫຼືອເປັນພະລັງງານ, ຜະລິດຕະພັນສີຂຽວ, ພະລັງງານຊີວະພາບ, ພືດຮຸກຮານຕ່າງຖິ່ນ

ສາຍທຳມະຊາດ

ສຶກສາການເພີ່ມຂຶ້ນຂອງປະລິມານຂີ້ເຫຍື້ອທົ່ວໄປຫັນປ່ຽນມາເປັນພະລັງງານທົດແທນ ກໍລະນີສຶກສາ: ເຂດນະຄອນຫຼວງວຽງຈັນ

KeophousonePhonhalath*,VonePhommaphaeng*,KhampasithThammathevo*, MalivanhVongsalasin*&KeovivoneOuthachakK** *ພາກວິຊາວິສະວະກໍາສິ່ງແວດລ້ອມ, ຄະນະວິສະວະກໍາສາດ, ມະຫາວິທະຍາໄລແຫ່ງຊາດລາວ, keophontahu@gmail.com , +8562091565208 ** ສະຖາບັນ ນິເວດວິທະຍາ ແລະ ເຕັກໂນໂລຍີຊີວະພາບ, ກະຊວງວິທະຍາສາດ ແລະ ເຕັກໂນໂລຍີ້

ບົດຄັດຫຍໍ້

ນະຄອນຫຼວງວຽງຈັນແມ່ນນະຄອນຫຼວງໃຫຍ່ຂອງປະເທດລາວທີ່ມີປະຊາກອນເພີ້ມຂຶ້ນ ແລະ ມີການຂຶ້ນຂອງຂົງເຂດເສດຖະກິດເຊິ່ງອາດເປັນສາເຫດເຮັດໃຫ້ ປະລິມານຂີ້ເຫຍື້ອເພີ້ມຂຶ້ນ. ສະນັ້ນບົດສຶກສາສະບັບນີ້ ແມ່ນບົດໂຄງການທີ່ສຶກສາການເພີ່ມຂຶ້ນຂອງປະລິມານຂີ້ເຫຍື້ອທົ່ວໄປຫັນປ່ຽນມາເປັນພະລັງງານ ໃນເຂດນະຄອນຫຼວງວຽງຈັນ, ສຶກສາແມ່ນສຶກສາຈາກຂໍ້ມູນມືສອງ. ເຊິ່ງຈຸດປະສົງແມ່ນ ເພື່ອສຶກສາປະລິມານຂີ້ເຫຍື້ອທົ່ວໄປໃນອະນາຄົດ ພ້ອມຈັດແຍກຂີ້ເຫຍື້ອທົ່ວໄປແຕ່ລະປະເພດ ແລະ ການຫັນປ່ຽນຂີ້ເຫຍື້ອມາເປັນພະລັງງານ ວ່າຈະສາມາດສ້າງເປັນພະລັງງານໄດ້ຫຼາຍປານໃດ.ວິທີການສຶກສາແມ່ນສຶກສາການເພີ່ມຂຶ້ນຂອງປະຊາກອນໃນອະນາຄົດ ເພື່ອຈະນໍາເອົາຈໍານວນປະຊາກອນມາຄິດໄລ່ຄາດຄະເນຫາປະລີມານຂີ້່ເຫຍື້ອໃນອະນາຄົດແຕ່ລະຊ່ວງປີເຊັ່ນ: 10 ປີ, 15 ປີ ແລະ 20 ປີ. ອີງຕາມຜົນການສຶກສາເຫັນວ່າມີ ຂີ້ເຫຍື້ອຈາກຄົວເຮືອນ(ເສດອາຫານ), ໄມ້(ເສດໄມ້ ແລະ ກິ່ງໄມ້ຕ່າງໆ), ປຣາສະຕິກ, ແກ້ວ/ກະເບື້ອງ, ເຈ້ຍ, ຜ້າແພ, ໜັງ/ຢາງຢືດ, ໂຫລະ ແລະ ອື່ນໆ, ສະນັ້ນພະລັງງານທີ່ປະເມີນວ່າອາດຈະມີໃນການຫັນປ່ຽນຂີ້ເຫຍື້ອມາເປັນພະລັັງງານຂອງປີ 2028, 2033, 2038 ເຊິ່ງໄດ້ສະຫຼູບດັ່ງໃນຕາຕະລາງລຸ່ມນີ້, ສະນັ້ນຖ້ານໍາໃຊ້ພະລັງງານນີ້ມາຮັບໃຊ້ຄົວເຮືອນແມ່ນຈະໄດ້ 32.668 ຫຼັງຄາເຮືອນ/ເດືອນ ໃນປີ 2028, ໄດ້ 37.871 ຫຼັງຄາເຮືອນ/ເດືອນ 2033, 43.889 ຫຼັງຄາເຮືອນ/ເດືອນ ໃນປີ 2033, ນີ້ສະແດງໃຫ້ເຫັນເຖິງຄວາມອາດສມາດໃນການຫຼຸດປະລິມານຂີ້ເຫຍື້ອໄປເປັນພະລັງທົດແທນໄດ້.

ສາຍທຳມະຊາດ

ສຶກສາຄຸນສົມບັດທາງກົນຈັກຂອງ 10 ຊະນິດໄມ້ໃນລາວStudy on Mechanical properties of ten wood in Laos

ຮສ ທອງວັນ ວິໄລຜົນ ໜ່ວຍວິຊາ ວິສະວະກໍາ ວັດສະດຸ, ພາກວິຊາ ວິສະວະກໍາ ກົນຈັກ ຄະນະວິສະວະກໍາສາດ ມະມາວິທະຍາໄລແຫ່ງຊາດ, ຖະນົນມິດຕະພາບ ລາວ-ໄທ, ເມືອງສີສັດຕະນາກ, ຕູ້ໄປສະນີ: 3166, ນະຄອນຫຼວງວຽງຈັນ. Correspond Author*: +856 20 55 65 8386

ບົດຄັດຫຍໍ້

ໂຄງການນີ້ໄດ້ທຳການທົດສອບຫາຄຸນສົມບັດທາງກົນຈັກຂອງ10ຊະນິດໄມ້ເຊັ່ນ: ໄມ້ກົງແດງ, ໄມ້ເຊິຟາງ, ໄມ້ໂກ, ໄມ້ພຸງ, ໄມ້ໝາກຂາມ, ໄມ້ແຄຕີນນົກ, ໄມ້ໝາກຫວ້າ, ໄມ້ໝາກແຫນ, ໄມ້ແຫ້, ແລະໄມ້ຊານແພງ. ໂດຍສະເພາະແມ່ນເອົາມາຈາກແຂວງນະຄອນຫຼວງວຽງຈັນ ແລະ ທາງພາກເໜືອຂອງລາວ.ສະແດງໃຫ້ເຫັນຄວາມຊື້ນຂອງໄມ້ກົງແດງ, ໄມ້ພຸ່ງ, ໄມ້ໂກ, ໄມ້ເຊີຟາງ ແລະໄມ້ໝາກຂາມ.ຄວາມຊື້ນເບື້ອງຕົ້ນຂອງໄມ້ກົງແດງ(SP1)ແມ່ນ 13.9% ແລະຄວາມ ຊື້ນເໜາະສົມຂອງໄມ້ກົງແດງ11.2%, ຄວາມຊື້ນເບື້ອງຕົ້ນຂອງໄມ້ພຸ່ງ (SP2) 14% ແລະ ຄວາມຊື້ນເໜາະສົມແມ່ນ 11.3% ຄວາມຊື່ນເບື້ອງຕົ້ນຂອງໄມ້ໂກ (SP3) ແມ່ນ 14.1% ແລະ ຄວາມຊື້ນເໜາະສົມແມ່ນ 10.8%, ຄວາມຊື້ນເບື້ອງຕົ້ນຂອງໄມ້ເຊີຟາງ (SP4) ແມ່ນ14.3% ແລະຄວາມຊື້ນເໜາະສົມແມ່ນ 11.6%, ຄວາມຊື້ນເບື້ອງຕົ້ນຂອງໄມ້ໝາກຂາມ (SP5) ແມ່ນ 14.1% ແລະຄວາມຊື້ນເໜາະສົມແມ່ນ 12%,ເຫັນວ່າໄມ້ເຊີຟາງມີຄວາມຊື້ນເບື້ອງຕົ້ນສູງກ່ວາແຕ່ໄມ້ໝາກຂາມມີຄວາມຊື້ນເໝາະສົມສູງກວ່າ.ສະແດງໃຫ້ເຫັນຄວາມແຂງຕາມແນວລັດສະໝີ ແລະຕາມວົງປີຂອງໄມ້ກົງແດງ, ໄມ້ພຸ່ງ, ໄມ້ໂກ, ໄມ້ເຊີຟາງ ແລະໄມ້ໝາກຂາມ. ຄວາມແຂງຕາມແນວລັດສະໝີເບື້ອງຕົ້ນແຮງຢຽບຂອງໄມ້ກົງແດງ (SP1) ແມ່ນ 4.16 KN ແລະຄວາມແຂງຕາມວົງປີເບື້ອງຕົ້ນແມ່ນ (SP1)4.47 kN, ຄວາມແຂງຕາມລັດສະໝີເບື້ອງຕົ້ນຂອງໄມ້ພຸ່ງ (SP2) ແມ່ນ 1.28kNແລະຄວາມແຂງຕາມວົງປີເບື້ອງຕົ້ນ(SP2)ແມ່ນ 1.33KN, ຄວາມແຂງຕາມລັດສະໝີເບື້ອງຕົ້ນຂອງໄມ້ໂກ (SP3) ແມ່ນ 1.71kNແລະຄວາມແຂງຕາມວົງປີເບື້ອງຕົ້ນແມ່ນ (SP3) 1.49KN, ຄວາມແຂງຕາມລັດສະໝີເບື້ອງຕົ້ນຂອງໄມ້ເຊີຟາງ (SP4) ແມ່ນ 2.52kN.ລັດສະໝີເບື້ອງຕົ້ນຂອງໄມ້ໝາກຂາມ (SP5) ແມ່ນ 6.63kN ແລະຄວາມແຂງຂອງວົງປີເບື້ອງຕົ້ນ(SP5) ແມ່ນ 6.92kN,ເຫັນວ່າໄມ້ ມີຄວາມແຂງຕາມວົງປີສູງກ່ວາ ແລະໄມ້ ມີຄວາມແຂງຕາມແນວລັດສະໝີສູງກ່ວາໄມ້ ແລະໄມ້.

ສາຍທຳມະຊາດ

ສຶກສາຄວາມເປັນໄປໄດ້ໃນການບໍາບັດນໍ້າເປື້ອນໂດຍນໍາໃຊ້ສະໜາມໄຟຟ້າແຮງດັນສູງທີ່ຄວາມດັນບັນຍາກາດແບບ Corona Discharge ຢູ່ເທິງຜິວໜ້ານໍ້າຕາມແນວນອນ.

ສຸກສະຫວັດ ພູນສະຫວັດ,ໄຊພອນ ຮຸ່ງບຸນຍວງ, ວັນໄຊ ແມັກສະຣິກ, ໄພວັນ ບຸນຮັກສາ, ກອນມະນີ ກັນລະຍາ ຄະນະວິສະວະກຳສາດ, ມະຫາວິທະຍາໄລແຫ່ງຊາດ E-mail: phounsavath@live.com

ບົດຄັດຫຍໍ້

ໃນການຄົ້ນຄວ້າວິໄຈນີ້ແມ່ນໄດ້ສ້າງຕົ້ນແບບຈຳລອງການບໍາບັດນໍ້າເປື້ອນໂດຍນໍາໃຊ້ສະໜາມໄຟຟ້າແຮງດັນສູງທີ່ຄວາມດັນບັນຍາກາດແບບ Corona Discharge ຢູ່ເທິງຜິວໜ້ານໍ້າຕາມແນວນອນ ມີອິເລັກໂທຣດຂົວບວກ ແລະ ຂົວລົບ, ມີໄລຍະຫ່າງຂອງອິເລັກໂທຣດຢູ່ທີ່ 3-5cm ຕາມລຳດັບ, ໄດ້ໃຊ້ກະແສໄຟຟ້າສະຫຼັບທີ່ມີແຮງດັນ 10kV.ໃນການທົດລອງຄັ້ງນີ້ແມ່ນໃຊ້ນໍ້າເປື້ອນຈາກໂຮງງານຄ້າສັດດອກດູເຂົ້າໃນການທົດລອງໃນອັດຕາການໄຫຼຂອງນ້ຳແມ່ນ 1L/H. ເຊິ່ງໄດ້ແບ່ງຊ່ວງເວລາການທົດລອງອອກເປັນຊ່ວງໄລຍະເວລາດັ່ງນີ້ 45 ແລະ 60ນາທີ ຕໍ່່ການທົດລອງໜຶ່ງຄັ້ງ, ຈາກຜົນການທົດລອງເຫັນວ່າໄລຍະຫ່າງທັ້ງສອງອິເລັກໂທຣດມີການຮວມຕະກອນຂອງນໍ້າເລີມຕັ້ນແມ່ນ 5ນາທີທຳອິດ ແມ່ນ.

ໄລ່ຍະຫ່າງຂອງອິເລັກໂທຣດ 3cm ເຫັນວ່າຄ່າ COB ຈາກ 4,136.83 mg/L ສາມາດຫຼຸດໄດ້ເຫຼືອ 319.19 mg/L, ປ່ຽບທຽບເປັນສ່ວນຮ້ອຍແມ່ນ 17.26 ສ່ວນຮ້ອຍຂອງນ້ຳເປື້ອຍ, ໃນການທົດລອງເວລາທີດີທີ່ສຸດແມ່ນ 45 ນາທີ mg /L

ໄລ່ຍະຫ່າງຂອງອິເລັກໂທຣດ 5cm ເຫັນວ່າຄ່າ COB ຈາກ 4,136.83 mg/L ສາມາດຫຼຸດໄດ້ເຫຼືອ 714,01 mg /L ປ່ຽບທຽບເປັນສ່ວນຮ້ອຍແມ່ນ 12.96 ສ່ວນຮ້ອຍຂອງນ້ຳເປື້ອຍ

ໃນການຈັດຫວ່າງໄລຍະຫ່າງທັ້ງສອງອິເລັດໂທຣດເຫັນວ່າຄ່າ BOD ສາມາດຫຼຸດໄດ້ເຫຼືອ 1,320 mg /L ເເຊິ່ງປຽບທຽບກັບຄ່າມາດຕະຖານແມ່ນບໍ່ສາມາດຫຼຸດໄດ້.

ສາຍທຳມະຊາດ

ຂະບວນການການແຍກເສັ້ນໄຍຜັກຕົບເພື່ອຜະລິດເຄື່ອງຫັດຖະກຳ

ວິລະພອນ ວົງພະຈັນ1, ຢູລິນ ຄຸນພິທັກ1, ແລະ ພົງໄພບູນ ພອນປະເສີດ1, 2* 1 ພາກວິຊາເຕັກໂນໂລຊີສິ່ງແວດລ້ອມ, ຄະນະວິທະຍາສາດສິ່ງແວດລ້ອມ, ມຊ 2ໜ່ວຍວິຊາເຕັກໂນໂລຊີຊີວະພາບ ແລະ ພະລັງງານທົດແທນ, ຄະນະວິທະຍາສາດສິ່ງແວດລ້ອມ, ມຊ * Email: p.phonepaseuth@nuol.edu.la

ບົດຄັດຫຍໍ້

ຜັກຕົບເປັນວັດສະພືດຊະນິດໜຶ່ງທີ່ມີການຈະເລີນເຕີບໂຕ ແລະ ແຜ່ກະຈາຍໃນແຫຼ່ງນໍ້າຢ່າງໄວວາ ເຊິ່ງເປັນຂໍ້ຈໍາກັດຫຼັກໃນດ້ານການຄົມມະນາທາງນໍ້າ ແລະ ກີດຂວາງຂອງການລະບາຍນໍ້າ ແລະ ຍັງເຮັດໃຫ້ແຫ່ງນໍ້າຕື້ນເຂີນ. ດັ່ງນັ້ນ, ການນໍາເອົາຜັກຕົບມາໃຊ້ປະໂຫຍດໃນດ້ານຫັດຖະກໍາ ເປັນໜຶ່ງໃນວິທີການຫຼຸດຜ່ອນບັນຫາດັ່ງກ່າວ. ການສຶກສາຄັ້ງນີ້ມີຈຸດປະສົ່ງເພື່ອສຶກສາຂະບວນການແຍກເສັ້ນໄຍຜັກຕົບ, ປຽບທຽບຄຸນນະພາບຂອງເສັ້ນໄຍຜັກຕົບ ແລະ ນຳເອົາເສັ້ນໄຍທີ່ໄດ້ໄປຜະລິດເປັນເຄື່ອງຫັດຖະກຳ. ເຊິ່ງໄດ້ມີການປະສົມເສັ້ນໄຍຜັກຕົບ ແລະ ເສັ້ນໄຍກາບກ້ວຍໃນອັດຕາສ່ວນທີ່ແຕກຕ່າງກັນ. ໂດຍມີທັງໝົດ 7 ອັດຕາສ່ວນຂອງເສັ້ນໄຍຜັກຕົບ:ເສັ້ນໄຍກາບກ້ວຍສ່ວນຮ້ອຍຄື: 00:100; 80:20; 60:40; 50:50; 40:60; 20:80; 100:00; ເພື່ອປຽບທຽບຄວາມໝັ້ນໜຽວດ້ວຍວິທີການມັດເສັ້ນໄຍດ້ວຍວິທີການແຂວນເທິງຮາວທີ່ຫ້ອຍດ້ວຍລູກຕຸ່ມຂະໜາດມາດຕະຖານ ຈົນກວ່າເສັ້ນໄຍຂາດ ເພື່ອຫານ້ຳໜັກສູງສຸດທີ່ເສັ້ນໄຍສາມາດຮັບໄດ້ ແລ້ວຄິດໄລ່ຫາແຮງດຶງ, ສ່ວນການປຽບທຽບຄຸນສົມບັດໃນການດູດຊຶມນໍ້າດ້ວຍການນໍາຕົວຢ່າງເສັ້ນໄຍມາອົບທີ່ອຸນນະພູມ 50 C° ເປັນເວລາ 24 ຊົ່ວໂມງແລ້ວ ຊັ່ງນໍ້າໜັກເສັ້ນໄຍຫຼັງອົບ, ຕໍ່ມານໍາເສັ້ນໄຍຫຼັງອົບມາແຊ່ໃນນໍ້າກັ່ນທີ່ອຸນນະພູນຫ້ອງເປັນເວລາ 24 ຊົ່ວໂມງ ແລະ ຊັ່ງນໍ້າໜັກເສັ້ນໄຍໃນທຸກ 3, 6, 9 ແລະ 24 ຊົ່ວໂມງ ເຊິ່ງແຕ່ລະຕົວຢ່າງມີການທົດລອງ 3 ຊໍ້າ. ຈາກຜົນການສຶກສາຂັ້ນຕອນໃນການແຍກເສັ້ນໄຍພືດດ້ວຍເຄື່ອງຈັກແບບໃຊ້ໄຟຟ້າເຫັນວ່າ ແຕ່ລະວັດຖຸດິບໃຊ້ນໍ້າໜັກເລີ່ມຕົ້ນ 70 kg, ສາມາດແຍກເສັ້ນໄຍຜັດຕົບໄດ້ 0.54kg ແລະ ເສັ້ນໄຍກາບກ້ວຍໄດ້ 3.01kg. ໃນການປຽບທຽບຄວາມໝັ້ນໜຽວຂອງເສັ້ນໄຍຜັກຕົບ:ເສັ້ນໄຍກາບກ້ວຍສ່ວນຮ້ອຍດ້ວຍອັດຕາສ່ວນທີ່ແຕກຕ່າງກັນ, ສາມາດສະຫຼຸບໄດ້ວ່າ: ອັດຕາສ່ວນ 50:50 ມີລັກສະນະເສັ້ນໄຍສີໄຂ່ຂາວ, ມີຄວາມສາມາດຮັບຄວາມແຮງດຶງ 14.7N ແລະ ມີຄ່າການດູດຊຶມນໍ້າ 7 ເທົ່າ, ມີຜິວສໍາຜັດນຸ່ມເລັກນ້ອຍ ເຊິ່ງໄດ້ເລືອກເອົາອັດຕາສ່ວນນີ້ມາທົດລອງຕໍ່າແຜນແພ ແລະ ນໍາມາຕໍ່ຍອດເຮັດເປັນຜະລິດຕະພັນຫັດຖະກໍາ (ກະເປົ໋າເງິນ). ການສຶກສາເຕັກນິກວິທີທີ່ໃຊ້ໃນການແຍກເສັ້ນໄຍພືດ ເພື່ອຜະລິດເຄື່ອງຫັດຖະກຳ ສາມາດເປັນອີກແນວທາງໜຶ່ງໃນການຫຼຸດປະລິມານຜັກຕົບ ແລະ ກາບກ້ວຍໄດ້ ໂດຍການນໍາມາສ້າງສັນເປັນຜະລິດຕະພັນທີມີມູນຄ່າ ສາມາດເປັນແນວທາງໃນການສ້າງເປັນເສດຖະກິດສີຂຽວໄດ້ໃນອະນາຄົດ

Tags ການເພິ່ມມູນຄ່າສິ່ງເສດເຫຼືອ, ຜະລິດຕະພັນສີຂຽວ, ຜັກຕົບ, ເສັ້ນໄຍທຳມະຊາດ

ສາຍທຳມະຊາດ

ການສຶກສາປຽບທຽບການເຜົາໄຫມ້ຂອງແກສຊີວະມວນໃນຮູບແບບປະສົມອາກາດ-ເຊື້ອໄຟກ່ອນ ແລະ ແບບບໍ່ປະສົມອາກາດ-ເຊື້ອໄຟໃນເຕົາເຜົາແບບໄຊໂຄລນດ້ວຍເຕັກນິກການຈຳລອງທາງໂຕເລກແຫຼມທອງ ຈັນພາວົງ

ພາກວິຊາວິສະວະກຳກົນຈັກ, ຄະນະວິສະວະກຳສາດ, ມະຫາວິທະຍາໄລແຫ່ງຊາດ ໂທ: +85620 59572910; ອີເມລ: lemthong@gmail.com

ບົດຄັດຫຍໍ້

ການເຜົາໄຫມ້ຂອງແກສຊີວະມວນພາຍໃຕ້ເງື່ອນໄຂການປະສົມອາກາດເຜົາໄຫມ້ ແລະ ເຊື້ອໄຟໃນແບບຕ່າງກັນໄດ້ຖືກສຶກສາໂດຍອິງໃສ່ຂໍ້ມູນຈາກການຈຳລອງການໄຫຼທາງໂຕເລກ. ການປະສົມຂອງອາກາດ ແລະ ເຊື້ອໄຟປະກອບດ້ວຍຮູບແບບການປະສົມກ່ອນ ແລະ ບໍ່ປະສົມກ່ອນ. ຂະບວນການເຜົາໄຫມ້ແມ່ນພາຍໃຕ້ເງື່ອນໄຂກຳລັງງານຄວາມຮ້ອນການເຜົາໄຫມ້ເຊື້ອໄຟ50 kW_th. ຜົນໄດ້ຮັບຂອງຈຳລອງຈະຖືກປຽບທຽບຄວາມຖືກຕ້ອງກັບຂໍ້ມູນການທົດລອງ. ໂມເດລ EDC (eddy-dissipation concept) ຖືກໃຊ້ສຳລັບວິເຄາະການເຜົາໄຫມ້ ຮ່ວມກັບຂັ້ນຕອນການເກີດປະຕິກິລິຍາ SK17(a 17 species skeletal reaction mechanism). ຄຸນລັກສະນະການໄຫຼພາຍໃນຫ້ອງເຜົາໄຫມ້ ແລະ ຄຸນລັກສະນະການເຜົາໄຫມ້ຈະໄດ້ຖືກວິເຄາະ. ຜົນການທົດລອງສາມາດກ່າວໄດ້ວ່າການເຜົາໄຫມ້ແບບປະສົມກ່ອນໃຫ້ຜົນໃນທາງທີ່ດີຕໍ່ຄຸນລັກສະນະດ້ານການໄຫຼ ແລະ ການເຜົາໄຫມ້ເມື່ອປຽບທຽບກັບການເຜົາໄຫມ້ແບບບໍ່ປະສົມກ່ອນໂດຍອິງໃສ່ປະສິດທິພາບການປ່ຽນອາຕອມຂອງໄຮໂດຣ-ຄາຣບອລ ແລະ ການປ່ອຍອາຍເສຍ (CO ແລະ NO) ຕ່ຳ.

Tags ການກຳນົດລັກສະນະຂອງຫົວເຜົາໄຫມ້, ການປະສົມອາກາດ-ເຊື້ອໄຟ, ການເຜົາໄຫມ້ແກສຊີວະມວນ, ເຕົາເຜົາແບບໄຊໂຄລນ

ສາຍທຳມະຊາດ

ສຶກສາອຸທົກທໍລະນີວິທະຍາ ແລະ ໂຄງສ້າງທໍລະນີວິທະຍາເຂດພູຈອມວອຍ ປ່າສະຫງວນ ຂອງແຂວງບໍລິຄຳໄຊ ສປປ ລາວ

ສູນທອນ ສິງສຸໂພ1, ວຽງທອງ ໄຊຍະວົງ1, ສັກໄຊ ໂສມປະເສີດ1, ທ່ຽງສະໝອນ ຊ້ວນສວນດາວ1 ນິພົນ ວໍລະຈັກ1, ອຳພອນ ດວງຄໍາດີ2, ໂສພາ ແກ້ວມະນີວອນ2, ແຫຼມທອງ ລັດດາວົງ1 1ອາຈານພາກວິຊາຟີຊິກສາດ, ຄະນະວິທະຍາສາດທຳມະຊາດ; 2ນັກສຶກສາພາກວິຊາຟີຊິກສາດ, ຄະນະວິທະຍາສາດທຳມະຊາດ ອີເມລ: singsoupho@nuol.edu.la

ບົດຄັດຫຍໍ້

ເຂດພູຈອມວອຍ ແລະ ບໍລິເວນໃກ້ຄຽງ ແມ່ນເຂດທີ່ ອຸດົມສົມບູນ ທາງທຳມະຊາດ ເຊິ່ງອະນາຄົດອາດຈະສາມາດພັດທະນາ ເປັນແຫຼ່ງທ່ອງທ່ຽວທາງທຳມະຊາດ. ພູຈອມວອຍຕັ່ງຢູ່ໃນເຂດປ່າສະຫງວນແຫ່ງຊາດຂອງແຂງບໍລິຄຳໄຊ. ການສຶກສາຄັ້ງນີ້ ແມ່ນໄດ້ໃຊ້ລະບົບການຈັດການພູມີສາດ ແລະ ການວັດແທກໄລຍະໄກ (GIS and Remote Sensing) ແລະ ການສຳຫຼວດດ້ານທໍລະນີສາດ ແລະ ທໍລະນີຟີຊິກ ຢູ່ພາກສະໜາມ ໃນຂອບເຂດບໍລິເວນພູຈອມວອຍ ເພື່ອສຶກສາກ່ຽວກັບ ສະພາບພື້ນພູມີປະເທດ, ສະພາບທໍລະນີສາດ ແລະ ສະພາບອຸທົກທໍລະນີ ໃນພື້ນທີ່ດັ່ງກ່າວ. ສະພາບພູມີສາດຂອງພູຈອມວອຍມີຄວາມສູງແຕ່ປະມານ 480 ເຖິງ 1800m ຈາກລະດັບໜ້ານຳທະເລສະເລ່ຍ, ສາມາດວິເຄາະຄວາມລາດຊັນຂອງພື້ນທີ່ ມີຄວາມຊັນແຕ່ 0 ຫາ 78^o, ວິເຄາະສາຍນ້ຳຈາກໃນຂອບເຂດປ່າສະຫງວນ ແລະ ບໍລິເວນອອ້ມຂ້າງ ສາມາດກຳນົດລະບົບນ້ຳໜ້າດິນ ແລະ ນໍ້າໃຕ້ດິນ ເຊິ່ງມີຄວາມອຸດົມສົມບູນ ສາມາດ ສະໜອງເພື່ອເຮັດລະບົບນໍ້າລິນ ແລະ ເຈາະນໍ້າບາດານໄດ້. ຂອບເຂດພູຈອມວອຍ ປະກອບດິນທີ່ຢູ່ຊັ້ນເທິງເຊິ່ງເກີດມາຈາກການຜຸພັງຈາກຫີນແກຣນິດ, ປະກອບດ້ວຍຫີນແກຣນີດ (Granite) ຄວບຄຸມພື້ນທີເປັນສ່ວນໃຫຍ່ ນອກຈາກນັ້ນຍັງພົບຫີນຄອດໄຊ ແລະ ຫີນພຸໄຟ. ຜົນການສຳຫຼວດດ້ານທໍລະນີຟີຊິກ ເຊິ່ງປະກອບດ້ວຍການວັດແທກຄວາມຕ້ານໄຟຟ້າຈຳເພາະໄຟຟ້າ ແລະ ການສຳຫຼວດດ້ານຄື້ນສັ່ນສະເທືອນແບບຫັກ ເຊິ່ງສາມາດກຳນົດ ໂຄງສ້າງທໍລະນີສາດ ເຊັ່ນ: ຊັ້ນດິນ, ຊັ້ນຫີນຖານ ແລະ ບໍລິເວນທີ່ເປັນຮອຍຕໍ່ລະຫວ່າງຊຸດຫີນ ແລະ ສາມາດທີ່ກຳນົດບໍລິເວນທີ່ ມີນໍ້າໃຕ້ດິນແຊກຊິມຢູ່. ຈາກການສຶກສາຄັ້ງນີ້ ສາມາດໃຫ້ຂໍ້ມູນດ້ານສະພາບພູມີສາດ, ສະພາບທໍລະນີສາດ ແລະ ລະບົບນ້ຳ ເຊິ່ງສາມາດນໍາໄປໃຊ້ໃນການບໍລິຫານຈັດການ ແລະ ພັດທະນາພື້ນທີ່ດັ່ງກ່າວໃຫ້ມີປະສິດທິຜົນ ແລະ ຍືນຍົງ.

ສາຍທຳມະຊາດ

ຜົນຂອງການນຳໃຊ້ແຫຼ່ງໂປຼຕີນຈາກຫອຍໝັກປະສົມກັບ ໃບກະຖິນປົ່ນຕໍ່ການຈະເລີນເຕີບໂຕຂອງໄກ່ອີຢິບ

ສີພັນ ແສນວັນນະຄຳ ແລະ ມາລາວັນ ຈິດຕະວົງ ຄະນະກະເສດສາດ, ມະຫາວິທະຍາໄລແຫ່ງຊາດ malavanc@yahoo.com

ບົດຄັດຫຍໍ້

ການທົດລອງກ່ຽວກັບຜົນຂອງການໃຫ້ຫອຍໝັກ ແລະ ໃບກະຖິນປົ່ນ ຕໍ່ການຈະເລີນເຕີບໂຕຂອງໄກ່ອີຢິບ ມີຈຸດປະສົງເພື່ອປຽບທຽບການຈະເລີນເຕີບໂຕ ຄຸນນະພາບຊາກ ແລະ ຜົນຕອບແທນທາງດ້ານເສດຖະກິດ ຊຶ່ງການທົດລອງໄດ້ຈັດຕັ້ງປະຕິບັດຢູ່ຄະນະກະເສດສາດ ວິທະຍາເຂດນາບົງ, ໃຊ້ໄລຍະເວລາ 90 ວັນ. ໄກ່ທຸກໂຕໄດ້ໃຫ້ອາຫານແບບເຕັມທີ່. ອາຫານທຸກສູດໃນແຕ່ລະສິ່ງທົດລອງແມ່ນໄດ້ຈໍາກັດຄ່າໂປຼຕີນທີ່ໃກ້ຄຽງກັນໃນລະດັບ 16% ໂດຍສຸມເຂົ້າແຜນງານທົດລອງແບບສຸມສົມບູນ ໃນບ໋ອກເຊິ່ງປະກອບມີ 4 ສິ່ງທົດລອງ, ໄກ່ຈໍານວນທັງໝົດ 48 ໂຕ (12 ໂຕ/ສິ່ງທົດລອງ) ອາຍຸປະ ມານ 6 ອາທິດ, ມີນໍ້າໜັກເລີ່ມຕົ້ນລະຫວ່າງ 200-300 ກຣາມ/ໂຕ ໄກ່ທຸກໂຕໄດ້ລ້ຽງຂັງຄອກສູ່ພື້ນ.

ຜົນການທົດລອງພົບວ່າ ອັດຕາການກິນໄດ້ລວມ (ຄິດໄລ່ເປັນທາດແຫ້ງ) ເຊິີ່ງມີຄວາມແຕກຕ່າງກັນທາງດ້ານສະຖິຕິ (P<0.05) ມີຄ່າເທົ່າກັບ GS₀=79.79, GS₁=63.08,GS₂=63.79, GS₃= 59.74 ຕາມລໍາດັບ. ອັດຕາການຈະເລີນເຕີບໂຕ (ADG) ແມ່ນມີຄວາມແຕກຕ່າງທາງດ້ານສະຖິຕິ (P<0.05) ມີຄ່າເທົ່າກັບ GS₀=13.65, GS₁=10.50, GS₂=10.60, GS₃=8.90 ຕາມລໍາດັບ. ສ່ວນອັດຕາການແລກປ່ຽນອາຫານມາເປັນນໍ້າໜັກໂຕ (FCR) ບໍ່ມີຄວາມແຕກຕ່າງກັນທາງດ້ານສະຖິຕິ (P>0.05) ດີ ກວ່າໝູ່ແມ່ນສິ່ງທົດລອງ GS₁ແລະ GS₂ ເທົ່າກັບ 6.04 ແລະ 6.06 ຕາມລໍາດັບ ຕໍ່າກວ່າໝູ່ແມ່ນສິ່ງທົດລອງ GS₃ ເທົ່າກັບ 6.73 ຜົນໄດ້ຮັບທາງດ້ານເສດຖະກິດຄິດໄລ່ສະເພາະຄ່າອາຫານ ແລະ ແນວພັນແມ່ນ GS₀ມີກໍາໄລສູງກວ່າໝູ່ເທົ່າກັບ 46,267 ກີບ/ໂຕ ແລະ ຕໍ່າກວ່າໝູ່ແມ່ນ GS₃= 36,521 ກີບ/ໂຕ ແລະ ເມື່ອໄລລຽງເສດຖະກິດຄິດໄລ່ຕົ້ນທຶນທັງໝົດ ແລະ ຫັກຄ່າແຮງງານອອກມີກໍາໄລ່ສູງກວ່າໝູ່ແມ່ນ GS₀=30,018 ກີບ/ໂຕ ແລະ ຕໍ່າກວ່າໝູ່ແມ່ນ GS₃= 20,273 ກີບ/ໂຕ.

ການທົດລອງຄັ້ງນີ້ ສະຫຼຸບໄດ້ວ່າໃນສິ່ງທົດລອງ GS₂ໃຫ້ແຫຼ່ງໂປຼຕີນຈາກວັດຖຸດິບ (ຫອຍໝັກ 23% ແລະ ໃບກະຖິນປົ່ນໃນລະດັບ 6% ເປັນສ່ວນປະສົມ) ແມ່ນໃຫ້ຜົນຕອບແທນທີ່ດີ ກວ່າໝູ່ທາງດ້ານອັດຕາການຈະເລີນເຕີບໂຕ, ຄຸນນະພາບຊາກ ແລະ ທາງດ້ານເສດຖະກິດ, ວັດຖຸດິບທີ່ໃຊ້ໃນຄັ້ງນີ້ແມ່ນສາມາດໃຊ້ທົດແທນອາຫານສໍາເລັດຮູບເປັນການຊ່ວຍລົດຕົ້ນທຶນໃນການລ້ຽງໄກ່ພັນອີຢິບໄດ້.

Tags ການຈະເລີນເຕີບໂຕ, ຫອຍໝັກ, ໃບກະຖິນ ແລະ ຄຸນນະພາບຊາກ, ໄກ່ອີຍິບ

ສາຍທຳມະຊາດ

ສຶກສາ ກົງຫັນລົມແກນຕັ້ງແບບປະສົມທີ່ໃຊ້ກັບໃບພັດບັງຄັບທິດທາງລົມStudy on Mixed Vertical Axis Wind Turbine with Wind Guide Vanes

ສູນທິສັກ ພົມມະຈັນ1,ບົວແກ້ວ ມາລິຍາ2,ວົງມົວຢ່າງ ຕົງປໍໄຊວ່າງ3,ສົມໝາຍລີ ວາກົວລີ4 ໜ່ວຍວິຊາ ພະລັງງານ, ພາກວິຊາ ວິສະວະກໍາ ກົນຈັກ, ຄະນະວິສະວະກໍາສາດ ມະມາວິທະຍາໄລແຫ່ງຊາດ, ຖະນົນມິດຕະພາບ ລາວ-ໄທ, ເມືອງສີສັດຕະນາກ, ຕູ້ໄປສະນີ: 3166, ນະຄອນຫຼວງວຽງຈັນ. Email: sounthisack@fe-nuol.edu.la. Mobile: +856 20 99 41 0955

ບົດຄັດຫຍໍ້

ບົດໂຄງການນີ້ເປັນການສຶກສາການເຮັດວຽກຂອງກົງຫັນລົມແບບແກນຕັ້ງແບບປະສົມລະຫວ່າງກົງຫັນລົມຊາໂວເນຍ ແລະ ດາຣີຢຸດສ ໃນເງື່ອນໄຂການນຳໃຊ້ກັບມູມຂອງໃບພັດບັງຄັບທິດທາງລົມທີ່ແຕກຕ່າງກັນລະຫວ່າງ ບໍ່ມີໃບພັດບັງຄັບທິດທາງລົມ, ໃບພັດບັງຄັບທິດທາງລົມທີມູມ 30°,ໃບພັດບັງຄັບທິດທາງລົມທີມູມ 60°ແລະ ໃບພັດບັງຄັບທິດທາງລົມທີມູມ 90°.ຜ່ານການທົດລອງສາມາດສະຫຼຸດຜົນໄດ້ດັ່ງນີ້, ຖ້າກົງຫັນລົມແບບປະສົມບໍ່ມີໃບພັດນໍາທາງລົມກົງຫັນລົມແມ່ນສາມາດເຮັດປະສິດທິພາບໄດ້ສູງສຸດ 25% ທີ່ຄວາມໄວລົມ 6 m/s.ທີ່ມຸມໃບພັດນໍາທາງລົມ30°ກົງຫັນລົມແມ່ນສາມາດເຮັດປະສິດທິພາບໄດ້ສູງສຸດ 23% ທີ່ຄວາມໄວລົມ 5 m/s.ມຸມຂອງໃບພັດບັງຄັບທິດທາງລົມທີ່ມຸມ 60°ສາມາດເຮັດປະສິດທິພາບໄດ້ສູງສຸດ 28%ທີ່ຄວາມໄວລົມ 6 m/sແລະມຸມຂອງໃບພັດບັງຄັບທິດທາງລົມທີ່ມຸມ90°ສາມາດເຮັດປະສິດທິພາບໄດ້ສູງສຸດ 27%ທີ່ຄວາມໄວລົມ 6 m/s. ຈາກຜົນການທົດລອງຂ້າງເທິງມັນສະແດງໃຫ້ເຫັນວ່າກົງຫັນລົມແກນຕັ້ງແບບປະສົມລະຫວ່າງກົງຫັນລົມຊາໂວເນຍ ແລະ ດາຣີຢຸດສທີ່ ນຳໃຊ້ກັບມູມຂອງໃບພັດບັງຄັບທິດທາງລົມແບບຕ່າງໆ ສາມາດເຮັດວຽກໄດ້ດີໃນຄວາມໄວລົມແຕ່ 4 m/s – 6m/s ຊື່ງມັນກໍ່ເໝາະສົມກັບຫຼາຍເຂດໃນບ້ານເຮົາທີ່ມີຄວາມໄວລົມບໍ່ສູງຫຼາຍ.

Tags ກົງຫັນລົມຊາໂວເນຍ, ກົງຫັນລົມດາຣີຢຸດສ, ກົງຫັນລົມແບບປະສົມ, ໃບພັດບັງຄັບທິດທາງລົມ